କାନ୍ଦ ତୁମେ
ମନ ଭରି କାନ୍ଦ,
ମୋର କିଛି କହିବାର ନାହିଁ ।
ବନ୍ୟା ନଦୀ ପରି ଲୁହ ଧାରେ
ଭାସି ଯାଉ ଘର ଦ୍ଵାର...
ବୁଡି ଯାଉ ଜନ ପଦ ମାନ...
ସବୁ କୋହ ଅଜାଡି ଦିଅ,
ମୁଁ... କିନ୍ତୁ,
ତୁମକୁ ରୋକିବି ନାହିଁ ।
ଫଟା ହୃଦୟ ନେଇ ଚିତ୍କାର କର
ବନ୍ଧୁ ବାନ୍ଧବ ଆସନ୍ତୁ...
ସାନ୍ତ୍ଵନା ଦେବା ପାଇଁ ।
ଯାତ୍ରା ଗୋଟେ ସୃଷ୍ଟି ହେଉ,
ତୁମ କାନ୍ଦଣା ଦେଖିବା ପାଇଁ ।
ମୁଁ... କିନ୍ତୁ,
ତୁମକୁ ବାଧା ଦେବି ନାହିଁ ।
କାନ୍ଦିବା ପୂର୍ବରୁ
କର ଶପଥ...
ଲୁହ ଗଡାଇ ତୁମ ଆଖିରୁ...
ମୋ ହୃଦୟକୁ କଷ୍ଟ ଦେବ ନାହିଁ ।
No comments:
Post a Comment