ଗୋ ଅର୍ଚ୍ଚନା
ଦିନକର ବସିଲି
କରିବି ତୁମ ଅର୍ଥ ରଚନା...
ଅନଭିଜ୍ଞ ମୁଁ,
କ୍ଷମା କରିବେ...
"ମୁଁ" କହିବିନି
ଅହଙ୍କାର ଗ୍ରାସିବ ଚିତ୍ତକୁ ।
ଅନଭିଜ୍ଞ ଆମ୍ଭେ
ନାହିଁ ଶବ୍ଦ ବୋଧ ଜ୍ଞାନ
ତଥାପି, ଲେଖୁଛି ତୁମକୁ ।
ଅବେଳାଟାରେ, ଅଲୋଡା କାଗଜ ଉପରେ
ଶବ୍ଦ ପୁଞ୍ଜା ଗୁନ୍ଥୁ ଗୁନ୍ଥୁ
ଭଗ୍ନୀ କହିଗଲେ
ତୁମ ପାରଦର୍ଶୀତା,
ଟାଣ ପଣେ କହିଦେଲି ତା'ଙ୍କୁ
ଲେଖିବି ତୁମ ନାମାର୍ଥେ
ଆଧୁନିକ କବିତା... ।
ଅଭିଧାନ ଖୋଲିଦେଲି
କଲମ ଧରି, ପୃଷ୍ଠା ଓଲଟାଇ-
ଶେଷେ ହେଲି ହତାଶ,
ଜାଣିବାର ଜିଜ୍ଞାସା
ଲେଖିଲା ଚିଠି
ଶୁଣିବା ପାଇଁ ତୁମ ଶବ୍ଦ ବିନ୍ୟାସ ।
No comments:
Post a Comment