ଆକାଶର ଭସା ବାଦଲ-
ଆଉ ମୋ ମଧ୍ୟେ,
ସାମଞ୍ଜସ୍ୟ ରହିଛି ଅନେକ।
ସେ ବି ଘୂରିବୁଲେ
ଇତଃସ୍ତତ ହୋଇ
ଲକ୍ଷ୍ୟ ହୀନ ପଥରେ...
ସେ ବି ରୋଷ କରେ
ଭୟଙ୍କର ସାଜି
ଅଲୋଡା ବ୍ୟକ୍ତିଙ୍କ ଆଗରେ...
ସେ ବି ଜଳିଉଠେ
ଝଲକ୍ ଦେଖି
ଅହେତୁକ କଥାରେ...
କିନ୍ତୁ...
ସେ ଗଢି ପାରେ-
ସୌଧମାଳା; ଆପଣାର ।
ବ୍ୟକ୍ତ କରିପାରେ ଦୁଃଖ-
ଯନ୍ତ୍ରଣା; ଭଙ୍ଗା ହୃଦୟର ।
ନାହିଁ ତା'ର ଅଭିମାନ
ନାହିଁ ଅହମିକା
ସବୁଠାରେ ପାଏ ଆଶ୍ଵାସନା...
କିନ୍ତୁ, ହାଏ....
ମାନ ଅଭିମାନେ ମୁଁ,
ହୃଦ ଯନ୍ତ୍ରଣା ବ୍ୟକ୍ତ କରିପାରେନା ।
No comments:
Post a Comment