ମୋ ହୃଦ ଦୁଆର ଖୋଲି
ମନ ମୋର କହୁଛି ବୁଲି
ଭଗବାନ ତୁମେ ନାହଁ ବୋଲି...
ବଢୁଛନ୍ତି ପାପ, ବଢୁଛନ୍ତି ପାପୀ,
ନିରୀହ ଲୋକଙ୍କ ତଟିକୁ ଚିପି,
ସମାଜେ ବୋଲାନ୍ତି ସେମାନେ ତପି ।
ଭଣ୍ଡ ସାଜି ଦେଶ ସେବକ
ଭାଷଣ ମାରନ୍ତି କିପରି ଦେଖ
ମୁଣାରେ ପୂରାନ୍ତି ଦୁନିଆ ଯାକ ।
ପୋଲିସ୍ କରଇ ଆଇନ ଭଙ୍ଗ,
ଡାକ୍ତର ଖେଳଇ ଜୀବନ ସଙ୍ଗ,
ଶିକ୍ଷକ ଲଗାଏ ସମାଜେ ରଙ୍ଗ ।
ହେ ଭଗବାନ...
ନିଅ ନାହିଁ ଆଉ ତୁମେ ଜନମ
ନାହିଁ ଏଠି ଆଉ ତୁମ ଓଜନ
ଗାନ୍ଧି ମୁଣ୍ଡ ଯା'ଠେ ତା'ର ହିଁ ମାନ ।
ଚାରି ଆଡେ ଖାଲି ରାବଣ କଂସ,
ପ୍ରଭାବେ ବଢିଛି ରାକ୍ଷାସ ବଂଶ,
କରି ଚାଲିଛନ୍ତି ବିଶ୍ଵକୁ ଧ୍ଵଂସ ।
ଏହା ଦେଖି ନ ସାଜି କଲକୀ
ଶ୍ଵାନ ପରି ଲାଙ୍ଗୁଡ ଜାକି
କେଉଁ ବ୍ରହ୍ମାଣ୍ଡେ ଯାଇଛ ଛକି ?
No comments:
Post a Comment