କହିବ ଗୋ ମନ ଖୋଲି
ତୁମ-ମୋ ପ୍ରଣୟ କଥା
ମୁଁ ନାୟକ, ତୁମେ ମୋ ନାୟିକା
ରଙ୍ଗୀନ୍ ଗୀତ ଗାଇ ଗାଇକା
ହୃଦରୁ ହୃଦକୁ ବୁଲି ।
ଆଜି ତୁମେ ସିନ୍ଦୂର ପିନ୍ଧି
କାହା ହାତେ ହୋଇଛ ବାନ୍ଧି
ମୋତେ ଖାଲି ଲାଗୁଛି ରୁନ୍ଧି
ଗଲ ତୁମେ କେମିତି ବା ଭୁଲି ।
କାହା ପାଇଁ ଗୋ କରୁଛ ଓଷା
ରଙ୍ଗୀନ୍ କରୁଛ କାହାର ନିଶା
ଭାଙ୍ଗି ମୋ' ମନ ଚଢେଇ ବସା
ହୃଦୟ ମୋର ଦେଉଛ ଜାଳି ।
କାହା ପାଇଁ ଗାଓ ମଧୁ ସଙ୍ଗୀତ
କାହା ପାଇଁ ରୁହ ସଦା ଜାଗ୍ରତ
ଗରଳ ଦେଇ ମୋତେ ପିଅ ଅମୃତ
ହସ ପୁଣି ଖିଲି ଖିଲି ।
ମୁଁ ସିନା ତୁମ ମଙ୍ଗଳ ଚାହେଁ
ଗୋଲାପୀ ପଥେ କଣ୍ଟା ନ ବୁଏଁ
ନିତି କଣ୍ଟା ମାରି ଭଙ୍ଗା ହୃଦୟରେ
ତୁମେ ଯାଉଛ କୁଆଡେ ଚାଲି?
କହିବ କି ଗୋ ଥରେ ମନ ଖୋଲି!
No comments:
Post a Comment