ଋଷୁ ଯେବେ ତୁ,
ହୃଦୟ ଯନ୍ତ୍ରଣା କାହାକୁ କହିବି?
କ୍ଷମା ଚାହୁଁଛି,
ଯଦି କିଛି ଭୁଲ ହୋଇଛି ।
ସୂର୍ଯ୍ୟ ନ ଉଇଁଲେ;
ପଦ୍ମର ତ ରୋଷ ନାହିଁ...
ଚନ୍ଦ୍ର ନ ଦିଶିଲେ;
କଇଁ ତ ରାଗେ ନାହିଁ...
ମେଘ ନ ଗରଜିଲେ;
ମୟୂର ଆକ୍ରୋଶ ହୁଏ ନାହିଁ...
ଫୁଲ ନ ଫୁଟିଲେ;
ଭଅଁର କ'ଣ ମଧୁ ଖାଏ ନାହିଁ?
ନଦୀ ନ ବହିଲେ;
ସାଗର ତା ଦୁଆର ବନ୍ଦ କରେ ନାହିଁ...
ଟିକିଏ ଡେରି ହେଲେ-
ଏତେ ବେଦନା କାହିଁ ପାଇଁ ?
ଆସିଛି ମୁଁ...
ତୁମ ବିଶ୍ଵାସରେ ତ ବିଷ ଦେଇ ନାହିଁ ।
ଏମିତି ଋଷି,
ମୋତେ ଓ ନିଜକୁ-
ଆଉ ଜଳାଅ ନାହିଁ ।
No comments:
Post a Comment