ମାଉସୀ

ମାଉସୀ ଲୋ ମାଉସୀ
ତୁ ଫଟା କଳସୀ...।

ସବୁ ବେଳେ ବଲ ବଲ
କାମ ପାଇଁ ନାହିଁ ବେଳ
ବେକାର କଥାରେ ତୁ ଯାଉଛୁ ଭାସି ।

ଅଲ ଇଣ୍ଡିଆ ହାରିଯିବ
ବିବିସି ବି ବନ୍ଦ ହେବ
ଆଜ୍ ତକ୍ ପ୍ରଯୋଯକ ଦେବେଲୋ ଫଶୀ ।

ହୋଇଲେ ତୁ ହାଜର
ଲୋକଙ୍କୁ ଲାଗଇ ଜ୍ଵର
ଡରି ଖୋଜନ୍ତି ବାଟ ଯିବାକୁ ଖସି ।

ନାହିଁ ବରଷା କି ଖରା
ନାହିଁ ଜହ୍ନ କି ତାରା
ସବୁ ବେଳେ ବୁଲୁଥାଉ ତୁ ବାରମାସୀ ।

ମଉସା ବି କାନ୍ଦୁଥିବେ
ଲୁଚି ମୁଣ୍ଡ ପିଟୁଥିବେ
ଭିତରେ ଦୁଃଖି ପୁଣି ବାହାରେ ଖୁସି ।

ତୁ ହୋଇଲେ ହାଜର
ନାହିଁ ତା'ଙ୍କ ପଟାନ୍ତର
ବାଧ୍ୟ ହୋଇ ରଖିଥିବେ ହେଲେବି ବାସି ।