ହେଲା ପତ୍ନୀ ମୁକ୍ତି ଆନ୍ଦୋଳନ,
ପତି ପ୍ରାଧ୍ୟାନ୍ୟ କୁ କରିବେ ଦଳନ।
ପ୍ରାତଃରୁ ପତ୍ନୀର ମାଡ ଦେଖି-
ପତି ପଡୋଶୀଙ୍କୁ ଗଲେ ଡାକି।
ପଡୋଶୀ କହିଲେ ଏହା ତୁମ ଘର ମାମଲା,
ମୋତେ ଭିତରକୁ କାହିଁ ଟାଣୁଛ ଭଲା ।
ତମେ ସିନା ଏବେ ମାଡ ଖାଇଲ,
ସକାଳୁ ତିନି ଥର ପିଠି ମୋ' ହେଲାଣି ଖାଲ।
ମୁଁ କି ପୋଛିବି ତୁମ ଦରଦ,
ଜାଣିଲେ ପତ୍ନୀ, ପିଠିକୁ ମୋ କରିବ ବାଦ୍ୟ।
ତେଣୁ ତୁମକୁ ଏତିକି ମିନତି,
ନ କହିବ ତୁମ କଥାକୁ ସାଥି।
ଯାହା ପତ୍ନୀ କରିବେ ସହିବ,
ବାହାରେ କେବେ ତା' ପ୍ରକାଶ ନ କରିବ।
କହିଲେ ତମେ ତ ଖାଇବ ଖାଇବ,
ସାଥେ ଆମକୁ ବି ନର୍କେ ଠେଲିବ।
ଦେଖ ମୁଁ କେତେ ସରଳ ସୁଧାର,
ନ କହେ କେବେ କଥା ଭିତରର।
ଖାଏ, ଯାହା ପତ୍ନୀ ଦିଅନ୍ତି,
ଶୁଣେ, ପତ୍ନୀ ଯାହା କହନ୍ତି।
କି' କହିବି ତୁମକୁ ଅନ୍ତରର କଥା,
ଦିନ ସାରା ହୁଏ ଦେହ, ମୁଣ୍ଡ ବ୍ୟଥା।
ଏବେ ଏବେ ମାଡ ଖାଇ ଆସିଛି,
ପୁଣି ଏବେ ସଜେଇ ହୋଇ ଯାଉଛି।
No comments:
Post a Comment